CAGAYAN DE ORO CITY - Patuloy ngayong iniimbestigahan ng pulisya ang motibo sa pag-patay sa mag-asawa sa Brgy. 32 sa lungsod ng Cagayan de Oro kaninang madaling araw.Kinilala ang biktima na si Teodoro Badilla, 62, pastor ng Born Again Church at ang kanyang maybahay na si Rebecca Chan-Badilla, pawang mga residente ng nasabing barangay.Samantala, kinilala naman ang suspek na si Jayjay Topia, 22, na kapitbahay lamang ng mga biktima.Natagpuan na lamang ang mga bikitima na wala nang buhay sa loob ng kanilang bahay at naliligo sa sariling dugo.Bandang alas 3:00 umano kaninang madaling araw nang pasukin ng suspek ang silid ng mag-asawa at walang habas itong pinagsasaksak.Nagtamo ng 14 na saksak sa ibat-ibang bahagi ng kanyang katawan si Teodoro habang tatlong sugat rin ang natamo ni Ginang Rebecca na siyang sanhi ng kanilang kamatayan.Ayon kay PO3 Jojo Lim, imbestigador ng Cogon Police Station, batay sa kanilang inisyal na imbestigasyon, posibleng matinding galit ang motibo ng suspek sa pagpatay sa mga biktima.Itoy dahil umano sa paninira na ginagawa ng mag-asawa sa ibang mga relihiyon, lalo na sa Katoliko.Sinabi pa ni PO3 Lim na kanilang isinantabi ang anggulo na pagnanakaw ang motibo ng suspek.Samantala, inamin naman ni Jayjay Topia na siya ang pumatay sa mag-asawa.Sa panayam ng Bombo Radyo, sinabi ng suspek na kanya itong nagawa dahil umano sa kanyang galit sa mga biktima dahil sa paninira na kanilang ginawa sa relihiyong Katoliko.Ngunit sinabi nito na wala siyang sayad sa utak at hindi rin siya gumagamit ng iligal na droga.
Reaksiyon: Ang pagkakasalang nagawa ng suspek ay kanya ng napagsisihan at tapos nadin ang kanilang patglilitis sa korte. Sa lahat ng naniniwala na buhay ang Diyos, Hindi ang relihiyon ang magliligatas sa atin kundi ang ating pananampalataya.\
Walang komento:
Mag-post ng isang Komento